Presentación de los libros “Que la lucha no muera. Ante la adversidad: rebeldía y amistad” y de “Acción Travesti Callejera Revolucionaria. Supervivencia, revuelta y lucha trans antagonista” en Gijón el 12 y 13 de noviembre.

gijon

Charra anticárcel y presentación de llibros

Pastora González, Lola Riveiro y Pisa Gómez, de Nais contra a impunidade, van falanos de la situación carcelaria nel Estáu español, y van presentanos “Que la lucha no muera”, llibru póstumu de Xosé Tarrío y “Acción Travesti Callejera Revolucionaria”, dambos editaos pola Editorial Imperdible.

Que la lucha no muera. Ante la adversidad: rebeldía y amistad. Xosé Tarrío González. Introducción de Pastora González Vieites.

Énte la brutalidá del réximen que sufren, la deshumanización de les sos vides, la tortura que padecen tanto él como los sos compañeros presos y la tristura que inunda lo más fondo de les sos almes, Xosé decide sacar fuera de les muries toa esta barbarie al traviés de la escritura, dando vida a “Huye, hombre, huye”. Esti llibru de denuncia, esti alegatu contra’l sistema penal y penitenciariu, estes ansies de llibertá, convertiránse nun guxarapu enllenu rabia y reivindicación, cuspíu a les mesmes cares que protagonicen y amparen la represión, tornándose al griegu, italianu, alemán, inglés, francés y editáu n’Arxentina.

Amás d’esti llibru escribe abondos textos sobre diferentes temes, sobre too de temática carcelaria, pero tamién d’análisis de l’actualidá de fuera, que siguía lo mesmo con interés que con esmolecer. Compón poesíes, la mayoría d’estes dedicaes con munchu amor a la so incondicional madre. Aparte pintó abondos cuadros onde predominen los collores vivos por mor del so encierru y l’ausencia d’ellos dientro de prisión.

Equí reproducimos esti material y un capítulu dedicáu a Xosé, nel que familiares, collacios y compañeros lu recuerden d’una manera especial, onde’l cariñu y la pena son palpables. Por últimu, la so madre Pastora contribúi con una introducción que nun va dexar indiferente a naide, onde desplica qué ye lo que ficieron col so fíu pa que acabare falleciendo.

Xosé trésmitenos los sos sentimientos ensin edulcorar, lo que lu llena d’odiu y d’amor: la institución carcelaria, les drogues, el F.I.E.S., el patriarcáu, l’Estáu, la sociedá, les inxusticies, la solidaridá, l’amor, l’amistá, so madre, l’anarquía…

Siempres dispuestu a ayudar a la so xente, dar la cara por ellos y desixir lo que ye xusto. Percorriendo abondes cárceles del Estáu, esti insurrectu gallegu sabe bien de lo que fala, siendo de los primeros presos en sufrir nes sos carnes el réximen F.I.E.S.

El so espíritu ingobernable y la so solidaridá ente rebeldes llevaránlu a recibir bien de partes, sanciones, humildaciones, cacheos, aisllamientos, vexaciones, tresllaos, palices… pero eso nun-y va impedir intentar fugase una y otra vegada.

Foi un rebelde social, un anarquista de pura cepa, nunca nun retrocedió nes sos idees, nin se vendió por nada nin por naide, siguió siempre p’alantre cola cabeza bien alta, lluchando hasta que toos seamos llibres…

La so vida entera ye pura rebeldía y eso nunca-y lo perdonaron.
Decidiendo acabar d’una manera deleznable cola so vida, morriendo de cárcel el 2 de xineru del 2005.

Cheché recordarémoste siempre.
——————————–
Acción Travesti Revolucionaria Callejera. Supervivencia, revuelta y lucha trans antagonista. Entrevistas y testimonios de las activistas trans radicales Sylvia Rivera y Marsha P. Johnson.

Dempués del 45 aniversariu de la Revuelta de Stonewall Inn, tenemos en castellán quizás ún de los meyores trabayos sobre autoorganización y revolución queer y transfeminista: la hestoria de S.T.A.R. cuntada por dos de les sos protagonistes, Marsha P. Johnson y Sylvia Rivera. La portada d’esti llibru inmortaliza la presencia nuna concentración delantre l’ayuntamientu neoyorkín pola ordenanza antidiscriminatoria a primeros de los 60. S.T.A.R., “Street Transvestite Action Revolutionaries”, puede traducise como “Aición de Travestis Callexeres Revolucionaries”. Esti acrónimu significa “estrella”, pallabra que yéra un iconu gai como recordada polos Panteres Negres por ser la Estrella’l Norte referente pa los esclavos negros que se fugaben de los sos amos, anque desconocemos por qué lu elixeron.

Fueron un referente pa la so época y les posteriores. Llevantaron dende la miseria económica y social na que se criaron un proyectu revolucionariu d’apoyu mutuu ente disidentes sexuales enxamás vistu en tal proporción na nuesa hestoria recién. Ensin estudios, ensin perres, ensin trabayu estable y ensin comodidaes, siendo’l so campu de práctiques la cai y puntu. Equí gozamos de varios de los sos textos, l’últimu del Arguyu Gai de 2001. Casi diez años enantes Marsha fuera atopada flotando nel ríu Hudson, y casi nel décimu aniversariu del fallecimientu de la so collacia, Sylvia morría a los 51 años por mor d’un fégadu demacráu poles drogues y diagnosticáu de cáncer. En 2005 el progresista ayuntamientu neoyorquín, nun auténticu llaváu d’imaxen dio’l so nome a una de les cais de Greenwich Village, onde años enantes Sylvia llanzaba un cóctel molotov contra la policía municipal que acosaba a les maricones del Stonewall. La represión permanez na ciudad, pero tóca-y camuflase y cambiar colos nuevos tiempos d’integración.

Esti llibru va dedicáu a estes dos grandes persones, y a quienes siguen lluchando baxo unos asemeyaos preceptos d’auto-organización, apoyu mutuu y disidencia sexual. Recomendamos lleelu detenidamente. Les negres tormentes de sexofobia y violencia que se avecinen convertiránlu nuna útil ferramienta pa la nuesa supervivencia.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: